اللي قلت 6 أسابيع مش كتير اللي كنت بقول لجوزي معلش دي أمك اللي كنت بقول لجوزي حاول تكلمها بهدوء المرة دي مقلتش معلش قلت لها انتي لما لحستي معلقة زبادي ابني أنا خدته منه ورميته ولما لحستي معلقة سلطة البطاطس أنا رميت العلبة كلها من وراكي ولما لحستي الشربة

أنا رميت الحلة كلها وعملت واحدة جديدة لابني بس ابني شافك شافك وانتي بتلحسي المعلقة وترجعيها وقال لي يا ماما تيتا ليه بتحط بوقها في أكلنا 4 سنين وبيسأل عايزاه يكبر يفتكر ان ده عادي ان حد يحط بوقه في أكله حماتي سكتت أول مرة تسكت من 6 أسابيع من

أول يوم وهي بتقول احنا عيلة ويا شيخة حرام وموسوسة نظافة أول مرة تسكت وقعدت وحطت وشها في ايديها وعيطت مش عياط تمثيل عياط بجد قالت أنا كنت بعمل كده مع أبوكم طول عمري وكنت فاكرة عادي أبو جوزي الله يرحمه كان بيعديها كان بيقول لها يا شيخة بطلي قرف

الأكثر قراءة الان

المجذوب 1 حكايات زهرةمنذ شهرالمجذوب ٢ حكايات زهرةمنذ شهرجوزي كل جمعهمنذ شهر

وهي تضحك وتقول احنا عيلة فافتكرت ان كل العيلات كده جوزي قعد جنبها قال لها يا ماما أبويا كان بيعديها عشان بيحبك ومش عايز يزعلك بس احنا مش عايزين نعديها عشان بنحب ابني وعشان بنحبك انتي كمان ومش عايزينك تعيي ولا تعيي ابني انتي عيانة بقالك يومين بتكحي وبتنفي وابني

4 سنين مناعته لسه ضعيفة لو تعب هتعب معاه ولو أنا تعبت مش هعرف أروح شغلي ولو مراتي تعبت مين هياخد باله من ابني فلو سمحتي لما تعوزي تاكلي خدي طبق لوحدك ومعلقة نضيفة ولما تعوزي تدوقي خدي معلقة نضيفة ودوقي في طبقك انتي مش في الحلة كلها حماتي مسحت

دموعها وقالت حاضر قلت لها بجد قالت بجد ومن ساعتها بقت تعمل كده بقت تاخد طبق لوحدها ومعلقة نضيفة ولما تدوق حاجة تجيب معلقة صغيرة تدوق في طبقها وبقت تقول لابني تعال يا حبيبي تيتا هتجيب لك معلقة نضيفة ابني بقى يحبها أكتر عشان بقت نضيفة وبقى يقول تيتا نضيفة

وحماتي تضحك بعد أسبوعين حماتي خفت البرد راح والكحة راحت وبقت كويسة وفي يوم كانت عاملة مكرونة بشاميل ناديت عليا وقالت تعالي دوقي جابت معلقة نضيفة وغرفت شوية في طبق صغير وادتهوني وقالت دوقي كده وقوليلي محتاجة ملح دقت قلت لها تسلم ايدك زي العسل ابتسمت وقالت شفتي لما بناخد

معلقة نضيفة الأكل بيبقى أحلى ازاي قلت لها آه وبصيت لجوزي جوزي كان واقف في باب المطبخ بيضحك وقال لها شفتي يا ماما لما بتسمعي الكلام الشربة بقت ليها طعم تاني حماتي ضحكت وقالت يا واد يا بكاش بس من جواها كانت مبسوطة عشان لأول مرة من 6 أسابيع محدش

كان قرفان من أكلها ومحدش كان بيرمي الأكل من وراها ومحدش كان بيقول لابنها يا ماما تيتا ليه بتحط بوقها في أكلنا ال 6 أسابيع خلصوا حماتي كان المفروض تمشي تروح شقتها الجديدة بس وهي بتلم شنطها قالت أنا ممكن أقعد أسبوع كمان لو مش هضايقكم بصيت لجوزي جوزي بص