ودي رسايل الواتساب بيني وبين ماما وهي بتقولي الحقينا يا بنتي محتاجين فلوس للبيت أمي وشها اصفر قالت إنت بتعملي إيه إنت جاية تحاسبينا قلت لها لا أنا جاية أوريكي إني مش طفيلية الطفيلية هو اللي بياخد من غير ما يدي أخويا قال طب وإنتي عايزة إيه دلوقتي عايزة تاخدي

البيت قلت له لا أنا مش عايزة البيت أنا عايزة حقي ساعتها صاحبتي المحامية كانت قالت لي قبلها بيوم بصي إنت ليكي حق انتفاع وحق مالي مثبت بورق ولو رفعتي قضية ممكن تاخدي جزء من قيمة البيت أو على الأقل تاخدي كل فلوسك اللي دفعتيها بالفوايد كمان بس أنا مكنتش

عايزة أوصل لكده كنت عايزة بس أمشي بكرامتي قلت لهم أنا همشي دلوقتي زي ما طلبتوا بس قبل ما أمشي عايزة أقول كلمتين التلات سنين اللي فاتوا أنا مكنتش قاعدة ببلاش أنا كنت بدفع تمن وجودي كل يوم بفلوسي وبسكوتي وبإني أقول حاضر ونعم عشان البيت يفضل هادي بس إنتوا

الأكثر قراءة الان

المجذوب 1 حكايات زهرةمنذ شهرالمجذوب ٢ حكايات زهرةمنذ شهرجوزي كل جمعهمنذ شهر

افتكرتوا سكوتي ضعف وافتكرتوا فلوسي واجب عليا أمي قالت إحنا مربينك ولينا حق عليكي قلت لها حقكم على راسي بس مش من حقكم تقولوا عليا طفيليةوأنا اللي شايلة البيت شلت شنطتي الصغيرة اللي فيها اللاب توب والورق المهم وسيبت الكراتين مكانها وقلت لها خليها عندك يمكن تحتاجيها لأخويا خرجت وركبت

عربيتي ومشيت طول الطريق كنت حاسة إني خفيفة لأول مرة من 3 سنين رحت شقتي الجديدة الصغيرة اللي كنت مأجراها من يومين فتحت الباب لقيتها فاضية بس بتاعتي مفيهاش حد يقول لي إنت طفيلية مفيهاش حد يلم لي هدومي في كرتونة قعدت على الأرض وفضلت أعيط شوية مش عشان زعلانة

عشان مرتاحة تاني يوم الصبح صحيت على 53 مكالمة فايته زي ما قلت ماما وبابا وأخويا وكلهم مرديتش بعدها بساعة أخويا بعت لي رسالة قال لي إنتي فين يا بنتي ماما عايزة تكلمك ضروري السخان باظ تاني ومش عارفين نعمل إيه ضحكت ضحكة كبيرة أوي السخان اللي أنا دفعته قبل

كده باظ تاني وهم مش عارفين يصلحوه مرديتش برضه أبويا بعت لي رسالة طويلة قال لي يا بنتي إحنا آسفين أمك كانت متوترة عشان أخوكي وظروفه صعبة وكلمة طفيلية طلعت منها غلط بس إنتي بنتنا وهنفضل نحبك ارجعي البيت قلت له يا بابا البيت ده مبقاش بيتي من يوم ما

لمّتولي هدومي في كراتين أمي بعتت فويس نوت وهي بټعيط بتقول يا بنتي سامحيني أنا مكنتش أقصد أنا كنت مضغوطة عشان أخوكي مطلق ومعاه عيال ومش لاقي شغل كويس مرديتش برضه مش قسۏة مني بس كنت محتاجة وقت لنفسي بعد 3 أيام صاحبتي المحامية كلمتني قالت لي أمك كلمتني وبتسأل

على الورق اللي معاكي شكلها خاېفة ترفعي قضية قلت لها أنا مش هرفع قضية أنا بس عايزة فلوسي اللي دفعته في التلات سنين عشان أبدأ حياتي بيهم صاحبتي قالت لها كده أمي كلمتني تاني يوم وقالت لي تعالي خدي فلوسك رحت لقيتها قاعدة في الصالة هي وأبويا وأخويا حاطين ظرف