قبل ما المياه تنزل مني بحوالي نص ساعة… منة نفسها ظهرت في التسجيل. كانت واقفة جنب الترابيزة وهي بتضحك مع صاحبتين ليها. فتحت صندوق الفلوس. مدت إيدها جواه. وطلعت مجموعة أوراق نقدية. حطتها في شنطة صغيرة كانت مع وصيفة العروسة. واحدة من صاحباتها قالت لها حاجة.
منة ردت وهي بتضحك. مدير الفندق رفع صوت التسجيل. وصوتها خرج من سماعات القاعة كلها دول 2800 جنيه بتوع فرقة الزفة. ماما قالتلي آخدهم من الصندوق بدل ما أدفع من فلوسي، وبعدين نبقى نظبط الحساب. الصمت اللي نزل على القاعة بعدها كان مرعب.
كل العيون راحت ناحية حماتي. وشها فقد لونه. أما منة، ففضلت واقفة مكانها كأن رجليها اتثبتوا في الأرض. أحمد ضحك ضحكة قصيرة. أهي ال جنيه. وبص لكريم. أختك أخدتهم قدام الكاميرا. وأنت كنت مستعد تسيب مراتك وابنك يمــ,,ـــــوتوا علشان تجبرها تعترف إنها سرقتهم.
كريم فتح بقه. قفله. وبعدين بص لأمه. ماما… إنتِ كنتِ عارفة؟ حماتي اتلخبطت. أنا… أصل… وسط دوشة الفرح نسيت. أمي صرخت فيها نسيتي؟! بنتي بتنزف قدامك وإنتِ بتفتشي شنطتها وبتاخدي فلوسها وبتتهميها بالسرقة علشان حاجة إنتِ أصلًا عارفاها؟! حماتي حاولت تدافع عن نفسها.
أنا كان كل همي إن فرح بنتي يعدي على خير! وقتها حسيت بانقباضة عنيفة جدًا. صرخت من غير ما أقدر أمنع نفسي. الدكتورة بصت لجهاز المتابعة. لازم نتــ,,ـــــحرك حالًا! أحمد ما استناش. رفع الفأس وضــ,,ـــــرب الجزء المتبقي من بوابة الورد. المسعفين شدوا الستاندات من الطريق.
في أقل من دقيقة، اتفتح ممر للنقالة. منة كانت بتصرخ الديكور! خلي بالكم من الديكور! لكن محدش بقى سامعها. لأول مرة في اليوم ده… ما بقاش الفرح هو أهم حاجة. وأنا خارجة، كريم جري ورا النقالة. استني! أنا جاي معاكي!
بصيت له. الغريب إني ما كنتش غضبانة. كنت بس حاسة إن الشخص اللي قدامي غريب. قلت بهدوء خليك. اتصدم. إيه؟ بصيت ناحية أخته. فستانها. الورد المكسور. المعازيم. وبعدين رجعت بصيت له. أختك مش هتتجوز غير مرة واحدة. مش دي الجملة اللي فضلت تقولها طول اليوم؟ وشه شحب.
مد إيده يمسك إيدي. سحبتها. وأنا كمان… مش هولد ابنك غير مرة واحدة. باب الإسعاف اتقفل بيننا. في الطريق للمستشفى، الأمور ساءت بسرعة. نبض ابني كان بينزل. النزيف زاد. والدكتورة اللي كانت في الفرح ركبت معانا وفضلت تبلغ المستشفى بالحالة. أول ما وصلنا، دخلوني غرفة العمليات فورًا.
آخر حاجة فاكرها قبل التخدير كانت إيد أمي ماسكة إيدي. وصوتها بيقول إحنا هنا. لما فتحت عيني… أول حاجة سألت عنها كانت ابني؟ الممرضة ابتسمت. في الحضانة. بدأت أعيط. قالت الدكتورة بعدها إن كان فيه انفصال جزئي في المشيمة. وإن التأخير أكتر كان ممكن يسبب نتيجة أسوأ بكتير.
ابني احتاج متابعة في الحضانة بسبب الولادة المبكرة ونقص الأكسجين اللي بدأ يحصل. لكن حالته استقرت. كان صغير. وضعيف. لكن عايش. وأنا كمان كنت عايشة. بعد ساعتين، كريم وصل المستشفى. لكن الأمن منعه يدخل غرفتي. أبويا كان واقف عند الباب. كريم قال له أنا جوزها.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.