كنت مستنياه قدام باب المستشفى وأنا شايلاله البطانية الصغيرة اللي اشتريتها له في الشهر السابع. أحمد كان واقف جنبي. أمي وأبويا ورايا. كريم كان مستنينا بعيد. أول ما شاف الطفل، عينه دمعت. قرب خطوة. ممكن أشيله؟
بصيت له. ما منعتهوش من ابنه. لأن خلافنا إحنا الاتنين ما كانش لازم يتحول لعقاب لطفل. لكن لما مد إيده ناحيتي بعد ما شاله… رجعت خطوة. فهم. قال بصوت مكسور مفيش أي فرصة؟ بصيت لابني. وبعدين بصيت له. يوم فرح أختك، كنت مستعدة أديكم كل حاجة.
فلوسي. بيتي. تحويشتي. وحتى كرامتي كنت بسكت عليها علشان البيت ما يتهدش. سكت لحظة. لكن لما وصل الدور لحياتي وحياة ابني… طلبتوا مني أديكم دول كمان. هزيت راسي. ودي كانت أول مرة أقول لأ. مشيت ناحية عربية أبويا. وقبل ما أركب، كريم ناداني. طب وأنا أعمل إيه دلوقتي؟
وقفت لحظة من غير ما ألف. قلت راجع الحساب يا كريم. سكت. فكملت بس المرة دي مش حساب ال جنيه. لفيت وبصيت له للمرة الأخيرة. راجع حساب السنين اللي كنت كل مرة تختار فيها أختك وأمك وتقول لي إحنا عيلة واحدة. وشوف في الآخر… إنت خسرت مين.
ركبت العربية. أحمد قفل الباب. وابني كان نايم في حــ,,ـــــضني. وأنا ببص من الشباك، افتكرت صندوق الفلوس اللي حماتي حــ,,ـــــضنته بإيديها الاتنين وهي بتمنعني من الخروج. يومها كانت فاكرة إن أغلى حاجة ممكن تضيع من عيلتهم هي 2800 جنيه.
ما كانتش تعرف… إنهم وهم بيدوروا على مبلغ عمره ما اتسرق، خسروا بيت كامل. وخسر كريم مراته. وكادوا يخسروا طفلًا لم يرَ الدنيا بعد. أما أنا… ففي اليوم اللي دخلت فيه قاعة الفرح وأنا زوجة بتحاول ترضي الجميع، خرجت منها على نقالة.
لكن للمفارقة… كانت دي أول مرة من سنين طويلة، أخرج وأنا عارفة بالضبط مين لازم أنقذه. نفسي. وابني. النهاية.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.